- officier
- Officier, acut. Tantost est nom m. gen. Et signifie celuy qui a office exercé en public soit avec jurisdiction ou sans icelle. Selon ce on dit, Justiciers et officiers du Roy, ou en privé et domestiquement, comme quand on parle des menus officiers de l'hostel du Roy. Partant le mot Latin Magistratus n'est universel à tous ceux que le François nomme generalement officiers, ayans les Latins particuliers noms pour designer les officiers, tant ceux qui n'avoient jurisdiction, que ceux qui exerçoient en privé et domestiquement en l'hostel des princes quelques offices qui avoyent divers noms selon la charge où ils estoyent employez, et tantost est verbe neutre, et signifie celebrer le divin service en l'eglise, qu'on dit autrement faire l'office, Rei diuinae operam dare, Sacram rem patrare, Ainsi on dit, Il a ce jourd'huy fait l'office, Principem personam in patranda re diuina gessit, Car qui fait l'office est en cela supereminent les autres ministrans et aidans audit office, et, Il officie, Egregiam operam in peragenda re diuina praestat, magno cum decore ac rite recteque rem diuinam exequitur.Officier et sergeant, Satelles.Petis officiers, Munuscularij, B.Les officiers et sergeans du Consul, Proconsul, et autres magistrats, portans poignée et faisseaux de verges, au milieu desquels il y avoit une hache attachée à chaque faisseau, Lictores.Les officiers qu'un Preteur ou autre magistrat avoit quand il estoit en la province, Cohors, Comites iudicum.Officiers nouvellement créez et adjoustez au nombre ancien, Ascriptitij, Allecti.Faire comme officier, Agere pro magistratu, B. ex Liu.Les officiers de la maison du Roy, Aulicum ministerium, Bud.Officiers d'armes sont les Roys d'armes, les Ducs d'armes, les Heraulds et les Poursuyvans, et ont ceste addition d'Armes, parce que du droict de leursdits offices ils se meslent tant du fait des Armoiries, que des faits militaires tant en batailles, assauts, rencontres, qu'en combats en camp clos, tournois, pas, et autres essais et banoiemens d'armes, voyez chacun desdits mots en son lieu.
Thresor de la langue françoyse. Jean Nicot.